Benki ya Dunia kunufaisha wakulima wadogo Afrika

 

Dar es Salaam.Wakulima wadogo Kusini mwa Sahara Afrika, Afrika ya Kati na Asia huenda wakaanza kunufaika baada ya Benki ya Dunia kupitia Taasisi yake ya Fedha (IFC) kuingia mkataba na Umoja wa Wafanyabiashara za Nje (ETG) unaolenga kuwawezesha wakulima hao. Mkurugenzi wa IFC, Uzalishaji , Biashara ya Mazao ya Kilimo na Huduma, Oscar Chemerinsiki alisema wamefikia hatua hiyo baada ya kufanya utafiti, wanaamini kwamba itawasaidia wakulima wadogo kufikia malengo yao ikiwa ni pamoja na kuwawezesha kuwa na soko la uhakika la mazao yao.

Katika hafla hiyo iliyofanyika Dar es Salaam jana, Benki ya Dunia imetoa mkopo wa Sh70 milioni ambao wanaamini kwamba ukitumiwa kwa malengo yaliyokusudiwa itawapa nafasi wakulima wadogo kuzalisha mazao katika hali ya kujiamini kwa kuwa wana uhakika na soko.Alisema katika hatua hiyo wakulima watapata fedha za mauzo kutoka ETG na hata kumudu kuyafikia masoko ya kampuni yaliyopo kwenye ngazi ya kanda na dunia nzima kwa ujumla.

Mkurugenzi huyo alibainisha kwamba IFC inaendelea na uhusiano katika kuwekeza, ambapo imeanza kushirikiana kwa kuwapamkopo ETG tangu mwaka 2010 na kwa imejipanga kuwekeza dola biloni 4 kwa biashara ya mazao., Naye Mwenyekiti wa ETG, Ketan Patel alisema kwa kutumia miundombinu ya usindikaji na kuhifadhi itatoa vyanzo bora vya vyakula, hivyo kuuzalisha fursa za ajira